04.10.2021-ci il tarixində  Azərbaycan Dövlət Pedaqoji Universitetinin Filologiya fakültəsində "Meh Ədəbi Dərnəyinin" təşkilatçılığı ilə keçirilən, müəllifi Həcər Hüseynova, redaktoru isə Mahirə Nağıqızı Hüseynova olduğu  "Şəhid kapitan Həmid Cəfərli" və "Şəhid gizir Orxan Cəfərli" kitablarının təqdimat mərasimi keçirildi. 

Tədbirdə Azərbaycan Dövlət Pedaqoji Universitetinin Beynəlxalq əlaqələr üzrə prorektoru, eyni zamanda Filologiya fakültəsinin dekanı, "Meh Ədəbi Dərnəyinin" yaradıcısı, professor Mahirə Nağıqızı Hüseynova çıxış etdi. Daha sonra şəhidimizin yaxınları və qohumları öz fikirlərini söylədilər. Onlar şəhid Orxan və Həmidin, həmçinin şəhidlərimizin keçirdiyi döyüş yolu tarixi haqqında fikirlərini bizimlə bölüşdülər.

Tədbirə dəvət olunan qonaqlarımız da öz növbəsində çıxış etdilər. Onlar bildirdilər ki, şəhidlər bizim həm nisgilimiz, kədərimiz, ürək ağrımız, həm də qürur yerimiz, fəxrimizdir. Gənc nəsilə qürur yerimiz olan şəhidlərimizi tanıtmaq, onları vətənpərvər ruhda böyütmək, isə hər bir vətəndaşın ən ümdə vəzifəsidir. Bundan əlavə olaraq, "Meh Ədəbi Dərnəyinin" rəhbəri Əlizadə Əli və İsmayılov Raman, Xarici əlaqələr şöbəsi üzrə rəhbəri Babaşov Əhmədağa da çıxış etdilər. Həmçinin tədbirdə "Meh Ədəbi Dərnəyinin" fəal tələbələri öz şeirlərini və səhnəciklərini nümayiş etdirdilər. 

Tədbir Azərbaycan Dövlət Pedaqoji Universitetinin Filologiya fakültəsinin dekanı, "Meh Ədəbi Dərnəyi" nin yaradıcısı, professor Mahirə Nağıqızı Hüseynovanın çıxışı ilə sonlandırıldı.