Filologiya fakültəsində Tələbə Gənclər Təşkilatının təşəbbüsü ilə 5 oktyabr - Beynəlxalq Müəllimlər Gününə həsr olunmuş onlayn tədbir keçirilib.
Tədbirdə Filologiya fakültəsinin tələbəsi Lamiyə Hüseynova çıxış edərək müəllimlərin ölkəmizin tərəqqisində, cəmiyyətimizin maariflənməsində əvəzsiz rolundan bəhs edib, gənclərin həm bilikli, həm də vətənpərvər vətəndaş kimi formalaşmasında müəllimlərin fədakar əməyindən danışıb.
Daha sonra Filologiya fakültəsinin 3-cü kurs tələbəsi Xanım Əhmədzadə şəhid müəllim Famil Əhmədzadənin həyat yolu haqqında çıxış edib, Azərbaycan müəllimlərinin istər birinci Qarabağ savaşında, istərsə də 44 günlük Vətən müharibəsində ərazi bütövlüyümüzün bərpa olunması uğrunda həm ön, həm də arxa cəbhədə fəaal iştirak etmələrindən bəhs edib.
Tədbirdə Filologiya fakültəsi 2-ci kurs tələbəsi Səma Məmmədova, Filologiya fakültəsi Tələbə Gənclər Təşkilatının sədr müavini Elnurə Ağasəfzadə çıxış edərək Beynəlxalq Müəllimlər Gününün tarixindən və bu əlamətdar günün qeyd olunmasının əhəmiyyətindən söhbət açıblar.
