Sabah Qrupları Azərbaycan Dövlət Neft və Sənaye Universitetinin "Neft-qaz mühəndisliyi" (tədris ingilis dilində) ixtisası üzrə 2021-ci il məzunu Fərəcli Hüseyn Mehman oğlu Xarici İşlər və Beynəlxalq Əməkdaşlıq Nazirliyi (MAECI) İtaliya Qrantının qaliblərindən biri olmuşdur.

Tehsil.biz xəbər verir ki, tədbir zamanı İtaliyanın səfiri Claudio Taffuri, 2021/2022-ci tədris ili üzrə qalib gələn namizədlərə Magistr pilləsi üçün Xarici İşlər və Beynəlxalq Əməkdaşlıq Nazirliyi tərəfindən verilən təqaüdləri təqdim etmişdir.

Qeyd edək ki, SABAH məzunu Hüseyn Fərəcli magistr təhsilini İtaliyanın Turin Politexniki Universitetində davam etdirəcəkdir.