Oktyabrın 14-də Azərbaycan Dillər Universitetinin 2 saylı tədris binasında Pakistan Müasir Dillər Universitetinin rektoru Məhəmməd Cəfər tələbələrlə görüşüb.
Tehsil.biz xəbər verir ki, qonaqları salamlayın ADU-nun Elmi işlər üzrə prorektoru Novruz Məmmədov qardaş Pakistan xalqının tarixi dostluğundan, millətlərin bir-birinə olan bağlılığından söhbət açıb. Qeyd olunub ki, İkinci Qarabağ müharibəsində dost Pakistan xalqı Azərbaycan xalqının haqq işində onun yanında olub və bunu bütün dünya görüb.
Daha sonra Paksitan Müasir Dillər Universitetinin rektoru Məhəmməd Cəfər tələbələrə mühazirə oxuyub. Pakistanın siyasi, mədəni və elmi nailiyyətlərndən bəhs edən videoçarx təqdim olunub.
Görüş tələbələri maraqlandıran suallarla davam edib.
