Dövlət İmtahan Mərkəzi müsabiqə şərtini ödəmiş, lakin əsas yerləşdirmə zamanı hər hansı bir ixtisasa qəbul ola bilməyən namizədlərə müraciət edib.
Mərkəzdən "Tehsil.biz"ə bildirilib ki, rezidenturaya boş qalan plan yerlərinə ərizə qəbulu elan edilib.
Qeyd edək ki, 2021/2022-ci tədris ili üçün rezidenturaya qəbul planı ümumilikdə 425 (onlardan 32 plan yeri Azərbaycan Tibb Universitetinin Hərbi tibb fakültəsi üçün nəzərdə tutulmuşdur) yerdən ibarət olub.
Artıq əsas yerləşdirmədən sonra qəbul olanların qeydiyyatı başa çatmışdır. Rezidenturaya qəbul olmuş namizədlərdən 14 nəfəri DİM-in müəyyən etdiyi müddətdə qəbul olduğu tibb müəssisəsinin tabe olduğu mərkəzi icra hakimiyyəti orqanında qeydiyyatdan keçmədiyi üçün bu onların yerləşdirildiyi ixtisas üzrə təhsil almaqdan imtina etməsi kimi qiymətləndirilmişdir (bu namizədlər boş qalan yerlər üzrə keçirilən müsabiqəyə buraxılmırlar).
Aşağıda boş qalan plan yerləri təqdim olunur.
2021/2022-ci tәdris ili üçün rezidenturanin boş qalan yerlәrinə qəbul aparilan ixtisaslar:
Azərbaycan Tibb Universiteti
311269
Daxili xəstəliklər
1
311382
Fizioterapiya və tibbi bərpa
1
311658
Gigiyena
1
311666
Epidemiologiya
1
*311593
Sosial gigiyena və səhiyyənin təşkili
1
Ə.Əliyev adına Azərbaycan DövlətHəkimləri Təkmilləşdirmə İnstitutu
313326
Narkologiya
2
313423
Gigiyena
1
Naxçıvan Dövlət Universiteti
361116
Anesteziologiya- reanimatologiya
2
361124
Ümumi cərrahiyyə
2
361173
Psixiatriya
1
361246
Hematologiya
1
361287
Ftiziatriya
1
361368
Neonatologiya
1
Boş qalan plan yerlərinə qəbul üçün ixtisas seçimi qəbul qaydalarının 4.1-ci və 4.2-ci bəndləri (bax: “Rezidentura” jurnalı №1, 2021, səh.3) nəzərə alınmaqla onlayn qaydada həyata keçirilir və həmin yerlərə müsabiqə yolu ilə yerləşdirmə aparılır.
Müsabiqədə iştirak etmək istəyən namizədlər 18 oktyabr 2021-ci il saat 11:00-dən 19 oktyabr 2021-ci il saat 14:00-dək https://eservices.dim.gov.az/erizerez/ixtisas2/ ünvanından ixtisas seçimi edə bilərlər.
QEYD 1. * - işarəsi qoyulmuş ixtisaslara müsabiqə “Rezidentura üzrə ixtisas seçimi cədvəli”nə (bax: “Rezidentura” jurnalı №3, 2021, səh.6-7) müvafiq olaraq aparılır.
QEYD 2. Digər ixtisaslar üzrə plan yerləri tam dolub.
