Ümumdünya Səhiyyə Təşkilatının (ÜST) Covid-19-la bağlı xüsusi komitəsinin aylıq iclası keçirilib.
"Tehsil.biz"in “Figaro”ya istinadla xəbərinə görə, tədbir Cenevrədə baş tutub.
Komitənin rəhbəri Didiye Husin dövlətləri ÜST-nin qəbul etdiyi bütün vaksinləri tanımağa və tətbiq etməyə çağırıb. O bildirib ki, vaksinasiyanın sürətlənməsi sayəsində son aylarda yoluxma ilə bağlı vəziyyət yaxşılaşsa da, pandemiya qısa vaxtda başa çatmayacaq.
Qeyd edək ki, ÜST indiyədək “Sinopharm”, “Sinovac” vaksinlərini, həmçinin “Johnson & Johnson”, “Moderna”, “Pfizer/BioNTech” və “Astrazeneca” şirkətlərinin istehsalı olan vaksinləri tanıyıb. Tanınmayan vaksinlərin sayı ondan çoxdur.
Apa.az
