Dövlət İmtahan Mərkəzi və ADA Universitetinin birgə təşkilatçılığı ilə “Dövlət Qulluğuna Qəbul üzrə Hazırlıq Proqramı” çərçivəsində “Dövlət qulluğuna dair qanunvericilik” mövzusunda təlim kursu təşkil edilib.

Tehsil.biz xəbər verir ki, kursun məqsədi ADA Universitetinin məzunları və sonuncu kurs tələbələrinə dövlət qulluğuna qəbul qaydaları, dövlət qulluğu vəzifələrinin tutulması üçün müəyyən edilmiş tələblər, dövlət qulluğunda karyera imkanları barədə məlumat vermək, eləcə də iştirakçıların qanunvericilik üzrə hazırlıq səviyyəsini artırmaqdır. Təlim kursu Dövlət İmtahan Mərkəzinin Hüquqi təminat və Dövlət qulluğu məsələləri şöbəsinin müdiri Vüqar Əsgərov və həmin Şöbənin sektor müdiri Elnur Abbasov tərəfindən aparılır.

Kursun sonunda iştirakçıların əldə etdikləri biliklər yoxlanılacaq və kursu uğurla bitirənlərə sertifikatlar veriləcəkdir.