Gəncə Dövlət Universitetinin dosenti Qurban Bəylərov vaxtsız haqqın rəhmətinə qovuşub. 

O,  1968-ci il, yanvarın 1-də Kəlbəcər rayonunun Geştək sovetliyinin Yellicə kəndində anadan olub. 1983-cü ildə Kəlbəcər rayonunun 2 saylı orta məktəbini bitirib.

Qurban Bəylərov 1985-ci ildə H.Zərdabi adına KDPİ-nin Fizika-riyaziyyat fakültəsinin fizika-riyaziyyat ixtisasına qəbul olub. 1986-1988-ci illərdə hərbi xidmətdə olub.

1992-ci ildə həmin institutu fərqlənmə diplomu ilə bitirmiş, Azərbaycan Respublikası Təhsil Nazirliyinin təyinatı əsasında Gəncə Dövlət İnstitutunun “Fizikanın tədrisi metodikası” kafedrasında saxlanılmışdır.

2005-ci ildə "Orta məktəb fizika kursunun ibtidai hərbi hazırlıq fənni ilə əlaqəli tədrisi problemləri" mövzusunda elmi iş müdafiə etmişdir. Fizikanın tədrisi metodikası üzrə pedaqoji elmlər namizədi alimlik dərəcəsi almışdır.

Hal hazırda Gəncə Dövlət Universitetinin Ümumi fizika kafedrasının dosentidir.

Ailəlidir, 4 övladı var.

Məkanı cənnət olsun!