44 günlük Vətən Müharibəsində şəhidlik zirvəsinə ucalan qəhrəman oğullarımızdan biri, Əliyev Tahir Mahir oğlunun anım günü qeyd olunmuşdur. Anım günü münasibətilə Dövlət Gömrük Komitəsinin Akademiyasının rəisi Qulu Novruzov və Akademiyanın bir qrup əməkdaşı şəhidin məzarını ziyarət edərək, önünə gül dəstələri düzmüş, ruhuna dualar oxumuş, əziz xatirəsini ehtiramla yad etmişdirlər.
Akademiyanın rəisi Qulu Novruzov şəhidin ailəsinə dərin hüznlə başsağlığı verərək səbir diləmiş, eləcə də Azərbaycan Ordusunun qüdrətindən, şəhidlərimizin döyüş zamanı göstərdikləri şücaətdən söz açmış, Ali Baş Komandan cənab İlham Əliyevin rəhbərliyi ilə qəhrəman oğullarımızın həyatları bahasına azad olunmuş torpaqlarımızda bu gün müqəddəs bayrağımızın dalğalanmasının hər birimiz üçün qürurverici olduğunu bildirmişdir.
Mərasim iştirakçıları çıxış edərək tarixi qələbənin qazanılmasında şücaət və qəhrəmanlıq göstərərək canından keçən Tahir Əliyevin timsalında bütün şəhidlərimizə rəhmət diləmişlər.