Logo

“Dövlət qulluğunda etik qaydaların praktiki tətbiqi məsələləri” mövzusunda təlim keçirilib

03.12.2020 09:37 469 baxış
IMG

Təlim zamanı dövlət qulluğunda etik qaydaların əhəmiyyəti, etik qaydaların tətbiqi məsələləri barədə ətraflı məlumat verilmiş, dövlət qulluğunda subyektiv amillərə əsaslanaraq hər hansı şəxsin və ya şəxslər qrupunun üstünlüyünə və ya belə üstünlüyün əldə edilməsi üçün şəraitin yaradılmasına yol verilməməsi, dövlət qulluqçusunun etik davranışı və öz peşəkar fəaliyyəti ilə dövlət orqanlarına və dövlət qulluğuna ictimai etimadın artırılması, dövlət orqanlarında korrupsiyanın və dövlət qulluqçularının fəaliyyətində maraqların toqquşmasının qarşısının alınması, dövlət qulluğunda dürüstlük, etik dilemmalar, onların həlli yolları, düzgün davranış, dövlət qulluqçusunun əməl etməli olduğu əsas etik prinsiplər, etik davranış qaydalarına əməl olunmasına nəzarət və s. məsələlər müzakirə olunmuşdur.

 

Təqdimatdan sonra etik davranış qaydaları ilə əlaqədar praktik tapşırıqlar verilmiş və iştirakçılar tərəfindən həll edilmişdir. Təlimdə Energetika Nazirliyində qulluq keçən 29 dövlət qulluqçusu iştirak etmişdir.

 

Təlim Azərbaycan Respublikasının Dövlət İmtahan Mərkəzinin Dövlət qulluğu məsələləri şöbəsinin müdiri Vüqar Əsgərov tərəfindən aparılmışdır.

 

Sonda isə təlim iştirakçılarını maraqlandıran suallar cavablandırılmışdır.

Xəbər lenti