Pakistanın Pəncab əyalətində qatarın dəmir yoluna daxil olan məktəb avtobusuna çırpılması nəticəsində 3 şagird ölüb, 9 nəfər yaralanıb. SİA xarici mətbuata istinadən bildirir ki, Pəncab əyalətinin Şeyxupura şəhərində Jaranvaldan Lahora gedən qatar məktəb avtobusuna çırpılıb. Qəzadan sonra hadisə yerinə təcili yardım və xilasetmə qrupları sövq edilib. Yerli mənbələrdən verilən açıqlamada qəzada 3 şagirdin həyatını itirdiyi, 9 nəfərin yaralandığı bildirilib.
Qeyd edək ki, xəstəxanaya çatdırılan yaralı tələbələrdən 3-nün vəziyyətinin ağır olduğu öyrənilib.
