ADAU və EGE Universitetlərinin beynəlxalq ikili diplom proqramının əməkdaşları və "Açıq fikir" klubunun tələbələrinin təşkilatçılığı ilə Türkiyəli yazıçı və professional mentor Necdet Bükülmez tərəfindən "Bir addım at! - Şəxsiyyətini tanımaq və hədəf qoymaq" adlı seminar keçirilib.

Tehsil.biz xəbər verir ki, onlayn qaydada baş tutan görüşdə beynəlxalq ikili diplom proqramının koordinatoru Fərrux Rəhimov, xarici dil müəlliməsi Seda Beydeş, ikili diplom proqramlarında eləcə də biznesin təşkili və idarə edilməsi ixtisaslarında təhsil alan tələbələr iştirak ediblər.

İnteraktiv şəkildə təşkil edilən tədbirin sonunda iştirakçılar öz “Zehin xəritələrini” hazırlamağı əyani şəkildə öyrənib və detallarını müzakirə ediblər.