Bakı Ali Neft Məktəbində (BANM) Ali Məktəbin təşkilatçılığı ilə İntellektual Oyunlar Klubu "Dönməlisən" adlı musiqili-xəmsə turniri keçirilib.
Tehsil.biz xəbər verir ki, bu dəfə turnir iştirakçı sayına görə ən yülkək nəticəni göstərib.
"Dönməlisən" adlı musiqili-xəmsə turnirinə 32 komanda, ümumilikdə isə 160 nəfər iştirakçı qatılıb. İntellektual Oyunlar Klubu budəfəki turnirdə BANM-in tələbələri ilə yanaşı, Ali Məktəbdən müxtəlif illərdə məzun olan gəncləri biraraya gətirib.
Tələbələrin musiqi biliyini üzə çıxaran turnir Xəmsə Milli İntellektual Oyunu sıralamasında da önə çıxmağı bacarıb.
"Dönməlisən" adlı musiqili-xəmsə turnirinin təşkilatçıları BANM-in İntellektual Oyunlar klubunun yeni İdarə Heyətinin üzvləri Hüseyn Abızadə, Asiman Həmzəyev, Yusif Hüseynzadə, Əsmər Şixəmirli, Əli Məmmədli və onların dostları Mirnicat Cabbarlı və Əli Farizlidir.