Azərbaycan Texniki Universitetində (AzTU) növbəti tələbə-rektor seçkisi üçün namizədlərin qəbuluna başlanılır.

Tələbə-rektoru niversitetin bərabər hüquqlu ictimai idarəetmə orqanlarından biridir və “Azərbaycan Texniki Universitetinin tələbə-rektorunun seçkiləri və statusu haqqında əsasnamə”yə uyğun olaraq seçilir.

Bir il müddətinə seçilən tələbə-rektor, ona verilən səlahiyyətlər daxilində AzTU-da təhsil alan tələbələrin maraqlarını təmsil edir.

Kimlər namizədliyini irəli sürə bilər?

·  AzTU-nun əyani təhsil alan (sonuncu kurs tələbələri istisna olmaqla)  tələbələri;

·  təhsil aldığı müddətdə akademik borcu olmayan tələbələr;

·  fakültə və ya universitetin İntizam Komissiyası tərəfindən tənbehi olmayan tələbələr;

·  ümumi orta müvəffəqiyyət göstəricisi 81 baldan yuxarı olan tələbələr

Qeyd edək ki, namizədlərin qəbulu zamanı xarici dil biliyi olan tələbələrə üstünlük veriləcək.

Namizədlər aşağıdakı sənədləri seçki komissiyasına təqdim etməlidir:

·  komissiyaya yazılı ərizə;

·  namizədin anketi (CV);

·  tələbə biletinin, yaxud universitetdə əyani təhsil aldığını sübut edən digər müvafiq sənədin surəti;

·  oxuduğu müddətdə aldığı qiymətlər haqqında möhürlə təsdiqlənmiş akademik transkript;

Sənədlərin qəbulu üzrə elektron poçt ünvanları:

[email protected], [email protected]

Namizədliyin irəli sürülmə tarixi: 8-12 dekabr 2021-ci il

Seçki ilk olaraq fakültələr üzrə keçirildikdən sonra Tələbə Senatı formalaşdırılacaq.

Tələbə-rektor fakültələrdən təqdim olunan namizədlər arasından seçiləcək.

Namizədliyini irəli sürən tələbələr əlavə məlumat üçün universitetin Media ilə iş və kommunikasiya şöbəsinə müraciət edilə bilərlər.