Logo

Naxçıvan Dövlət Universiteti müəlliminin 60 illik yubileyi qeyd olunub

14.12.2021 12:34 477 baxış
IMG

Naxçıvan Dövlət Universitetində “Ümumi və nəzəri fizika” kafedrasının müəllimi, fizika üzrə fəlsəfə doktoru, dosent Nailə Qardaşbəyovanın 60 illik yubileyi qeyd edilib.

Tehsil.biz xəbər verir ki, yubileyi giriş sözü ilə açan universitetin Tədris və Tərbiyə işləri üzrə  prorektoru Rafiq Rəhimov Nailə Qardaşbəyovanın elmi- pedaqoji fəaliyyətini yüksək qiymətləndirib. Yubliyarı təbrik edən prorektor ona elmi-pedaqoji fəaliyyətində uğurlar arzu edərək universitetin fəxri fərmanını və gül dəstəsini ona təqdim edib.

“Ümumi və nəzəri fizika” kafedrasının müdiri, fizika üzrə fəlsəfə doktoru, dosent Fərman Qocayev yubliyar haqda məlumat verərək bildirib ki,  1961-ci ildə Naxçıvan şəhərində anadan olan Nailə Qardaşbəyova 1978-ci ildə Naxçıvan şəhərində orta məktəbi bitirib. 1978-ci ildə Azərbaycan Texniki Universitetinin Avtomatika və hesablama texnikası fakültəsinin yarımkeçiricilər və dielektriklər ixtisasına qəbul olunub. 1983-cü ildə universiteti bitirdikdən sonra  1997-ci ildə Naxçıvan Dövlət Universitetində baş laborant vəzifəsində çalışıb. 1999-cu ildə universitetin aspirantura şöbəsinə dissertant kimi qəbul olunub. 2002-ci ildə “Kənar yüklü dislokasiyalı kristallarda rekombinasiya prosesləri”  mövzusunda namizədlik dissertasiyası müdafiə edərək, fizika-riyaziyyat elmləri namizədi adına layiq görülüb. 2003-ildə Ümumi və nəzəri fizika kafedrasında müəllim vəzifəsinə, 2007-ci ildə dosent vəzifəsinə təyin edilib. Diqqətə çatdırılıb ki, Nailə Qardaşbəyova hal- hazırda universitetdə “Biofizika” elmini tədris edir.

Tədbirdə çıxış edənlər yubliyara ürək sözlərini çatdırıb, xoş sözlərini ifadə ediblər.

Sonda yubliyar yaradılan şəraitə, göstərilən diqqətə görə hərkəsə minnətdarlıq edib.

Xəbər lenti