Dekabrın 20-də Bakı Yunus Əmrə İnstitutunun direktoru Səlcuq Qaraqılınc Azərbaycan Dövlət Pedaqoji Universitetinin (ADPU) qonağı olub.

Tehsil.biz xəbər verir ki, görüşdə ADPU-nun rektoru professor Cəfər Cəfərov, tədris işləri üzrə prorektor dosent Eldar Aslanov və Beynəlxalq əlaqələr şöbəsinin müdiri Günay Məhərrəmova iştirak edib. 

Görüş zamanı rektor prof. C.Cəfərov qonağa universitet haqqında ətraflı məlumat verərək həmçinin ötən həftə keçirilən universitetin 100 illik yubileyi barədə söz açıb. 

Türkiyə universitetləri ilə əlaqələrin əhəmiyyəti, cari vəziyyəti və mümkün əməkdaşlıq imkanlarından danışılan  görüşdə hər iki tərəfin maraqlı təklifləri və bir sıra layihələr müzakirə olunub. 

S.Qaraqılınc ADPU-nun TÜRKSOY kafedrası və Türk araşdırmaları bölməsinin əməkdaşları ilə görüşərək bu strukturların geniş fəaliyyət istiqamətləri ilə tanış olub.