Yanvarın 5-də Azərbaycan Texniki Universitetində (AzTU) 2021/2022-ci tədris ili üzrə qış imtahan sessiyası başlayıb.

AzTU-dan "Tehsil.biz"ə bildirilib ki, imtahanlar şifahi (texniki fənlər) və test (humanitar fənlər) üsulu ilə təşkil olunub.

Şifahi imtahanların keçirilməsi üçün AzTU-da 75 imtahan otağı ayrılıb. İmtahan otaqları müşahidə kamerası və səsyazma cihazı ilə təmin olunub.

Test  imtahanları isə kompüter zallarında təşkil olunub. Xüsusi karantin rejiminin şərtlərinə uyğun olaraq imtahanda iştirak edən bütün tələbələr tibbi maska və pandemiya əlehinə qoruyucu vasitələrdən istifadə edir. Həmçinin imtahan zamanı tələbələr arasında sosial məsafənin qorunmasına riayət olunur.

İmtahanlar fevralın 2-dək davam edəcək.