28 yanvar 2022-ci il tarixində Dövlət İmtahan Mərkəzinin Müsahibələrin təşkili şöbəsinin müdiri Xədicə Əzimova və şöbənin digər əməkdaşlarının iştirakı ilə dövlət qulluğu üzrə müsahibələrdə dövlət orqanının nümayəndəsi qismində iştirak edən şəxslərlə onlayn görüş təşkil edilib.

Görüşdə 2021-ci il ərzində dövlət qulluğu vəzifələrinin tutulması məqsədilə keçirilən müsahibələr təhlil edilib, onlayn müsahibələrin üstünlükləri və yaranan çətinliklər, müsahibələrin keçirilmə prosesinin təkmilləşdirilməsi, o cümlədən namizədin potensialından istifadə imkanlarının aşkara çıxarılması və vakant vəzifəyə yararlılığını müəyyən etmək üçün meyarlar üzrə hərtərəfli qiymətləndirilməsi, onların səriştə və bacarıqlarının düzgün müəyyən edilməsi məqsədilə spesifik müsahibə suallarının hazırlanması ilə bağlı müzakirələr aparılıb.

Görüşdə iştirak edən dövlət orqanının nümayəndələri müzakirə olunan məsələlərlə bağlı öz fikir və təkliflərini bildiriblər.