Gəncə Dövlət Universitetində 2 fevral-Gənclər günü münasibətilə tədbir keçirilib.
Tehsil.biz xəbər verir ki, Dövlət Himninin səsləndirilməsi ilə başlanan tədbirdə torpaqlarımızın bütövlüyü uğrunda şəhid olmuş vətən oğullarının xatirəsi bir dəqiəlik sükutla yad edilib.
Tədbiri giriş sözü ilə açan universitetin Humanitar məsələlər üzrə prorektoru Gülsüm Fətəliyeva ölkəmizdə gənclər siyasəti sahəsində həyata keçirilən məqsədyönlü tədbirlərdən, dövlətin gənclərə göstərdiyi diqqət və qayğıdan danışıb, bu istiqamətdə Gəncə Dövlət Universitetində görülən işləri toplantı iştirakçılarının diqqətinə çatdırıb.
Sonra universitetin Pedaqoji fakültəsinin dekanı Bayram Apoyev çıxış edərək əsası Ulu Öndər Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən Gənclər siyasətinin həyata keçirilməsi nəticəsində qazanılan uğurlardan söhbət açıb.
Universitet tələbələrinin çıxışından sonra bir qrup tələbəyə tədris ocağının ictimai-siyasi həyatında fəal iştirak etdiyinə görə Fəxri fərmanlar təqdim edilib.
