İdarəetmə Sistemləri İnstitutunun Elmi Şurasının onlayn iclası keçirilib.

Bu barədə institutdan məlumat verilib. Bildirilib ki, iclasda elmi müəssisənin direktoru, akademik Telman Əliyev İdarəetmə Sistemləri İnstitutunun elmi və elmi-təşkilati fəaliyyəti haqqında 2020-ci il üzrə hesabatını təqdim edib.

Akademik qeyd edib ki, 5 il ərzində (2016-2020) aparılan 17 mövzu, 39 iş və 28 mərhələ üzrə elmi-tədqiqat işləri 2020-ci ildə başa çatdırılıb. Həmçinin cari ildə “Web of Science” bazasında 59, “Scopus” bazasında 23 elmi əsər çap edilib. İnstitut alimlərinin əsərlərinə “Web of Science bazasında” 382 və “Google Scholar” bazasında 1062 dəfə istinad edilib. İnstitutun doktoranturasında 13 doktorant və 41 dissertant olmaqla 54 nəfərin, magistraturasında isə 14 nəfərin təhsil aldığı qeyd olunub.

İclasda institutda yerinə yetirilən elmi tədqiqat işləri yüksək qiymətləndirilib.‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬‬