Azərbaycanda instaqramda “Sevinc stories” layihəsi təqdim olunub.

Layihənin məqsədi kiçik bir qızın gözləri ilə Xocalı faciəsini dünya ictimaiyyətinə çatdırmaqdır.

“Əgər 1992-ci ildə instaqram olsaydı, və kiçik bir qız bütün olanları “story”yə çəksəydi, biz nələri görərdik?!”, - layihə haqda deyilir.

Qeyd olunub ki, bu, məşhur “Eva stories” layihəsinin Azərbaycan adaptasiyasıdır. Personajlar, süjet xətti xəyal məhsulu olsa da, baş vermiş faciə real hadisədir.

Sosial şəbəkələrdə böyük marağa səbəb olan layihənin idea müəllifi aktyor Əlixan Rəcəbovdur.

“Qafqazinfo”