Bakı Dövlət Universitetinin Fizika Problemləri Elmi-Tədqiqat İnstitutunda növbəti elmi seminar keçirilib.

Tehsil.biz xəbər verir ki, seminarda institutun Nəzəri fizika  şöbəsinin aparıcı elmi işçisi Şahin Məmmədov “AdS/KXD-nin yumşaq divar modelindən mezon-nuklon qarşılıqlı təsir sabitinin temperatur asılılığı” mövzusunda məruzə ilə çıxış edib.

Şahin Məmmədov sonlu temperaturda vektor və aksial vektor mezonların nuklonlarla qarşılıqlı təsir sabitinin AdS/KXD-nin yumşaq divar modelində baxılmasından danışıb. Anti-de Sitter-Şvarsşild  fəzasının içinə fermion və kalibrləşmə sahələri daxil edilib və onlar üçün hərəkət tənliklərinin həlli yazılıb. Bu sahələr arasında iç qarşılıqlı təsir laqranjianından sərhəd cərəyanının ifadəsi alınıb. Tapılan qarşılıqlı təsir sabitlərinin temperatur asılılıqları qurulub və temperaturun kritik nöqtəsində bu sabitlərin sıfır olduğu qeyd olunub.

Sonda Şahin Məmmədov iştirakçıların suallarını cavablandırıb, alınmış nəticələrin xüsusiyyətlərini izah edib.