Bakı Dövlət Universiteti (BDU) və Rumıniyanın Babes-Bolyai Universiteti arasında Erasmus mübadilə protokolu imzalanıb.
Tehsil.biz xəbər verir ki, protokolu BDU-nun rektoru Elçin Babayev və Babes-Bolyai Universitetinin rektoru Daniel David imzalayıb.
Protokol BDU ilə Babes-Bolyai Universiteti arasında əlaqələrin genişləndirlməsini, tələbə, tədqiqatçı və akademik heyətin mübadiləsini nəzərdə tutur.
Əsası 1959-cu ildə qoyulmuş Babes-Bolyai Universiteti Rumıniyanın nüfuzlu universitetlərindən biridir. 41 000-dən çox tələbənin təhsil aldığı universitetdə 22 fakültədə müxtəlif ixtisaslar üzrə kadr hazırlığı həyata keçirilir. Babes-Bolyai Universiteti QS WUR reytinqində 1001-1200-ci pillədədir.
