Azərbaycan Tibb Universitetinin (ATU) Tələbə Həmkarlar İttifaqı Komitəsinin (THİK) sədri Qoşqar İsmayılov bu ali məktəbdə təhsil alan ictimai fəal tələbələrlə görüşüb.

Tehsil.biz xəbər verir ki, tanışlıq xarakterli görüş zamanı tələbələr THİK-in fəaliyyəti, indiyədək icra oluna layihələr və planlaşdırılan işlər barədə fikirlərini bölüşüblər.

Görüşdə həmçinin qarşıdan gələn dövr üçün fəaliyyət planı müzakirə olunub. bəzi əlamətdar tarixlərin təntənəli surətdə qeyd olunmasına dair, həmçinin, maraqlı festivallar, intellektual yarışmaların təşkili ilə bağlı razılıq əldə edilib.

Qeyd edək ki, Qoşqar İsmayılov bu yaxınlarda THİK sədri kimi fəaliyyətə başlayıb. Görüşün məqsədi komitənin işləri və tələbələrin qiymətləndirməsi ilə yaxından tanış olmaqdan ibarətdir.