Azərbaycan Dövlət Pedaqoji Universitetində (ADPU) tələbələrin təcrübələrinin təşkili istiqamətində çoxşaxəli fəaliyyət icra olunur.
Tehsil.biz xəbər verir ki, ümumtəhsil məktəbləri ilə yanaşı artıq Landau School, Hədəf liseyi, Azərbaycan-Britaniya məktəbi kimi özəl və beynəlxalq müəssisələrdə də tələbələrin pedaqoji təcrübə keçməsi və karyera imkanlarını artırmaları təmin olunur.
O cümlədən, bu ildən etibarən alqoritmika təlimlərinə cəlb olunan 166 nəfər tələbənin təcrübəsi alqoritmika sinifləri olan məktəblərdə, 67 könüllü tələbənin təcrübəsi isə pedaqoji internatura əsasında ucqar rayonlarda təşkil olunur.