Qafqaz (Qars) Universitetinin professoru Cihan Kaçar Lənkəran Dövlət Universiteti (LDU) Baytarlıq ixtisası tələbələrinə nəzəri və praktik dərslərini davam etdirir.

Tehsil.biz xəbər verir ki, bu iki universitet arasında əldə olunmuş razılaşmaya görə Qafqaz Universitetinin professor-müəllim heyəti LDU-da müvafiq ixtisaslar üzrə tələbələrə dərslər keçir, istehsalat təcrübəsində iştirak edir, tədqiqatçılarla birgə ortaq layihələrin həyata keçirilməsi istiqamətində iş aparırlar.

Qafqaz Universitetinin Baytarlıq fakültəsinin dekan müavini, professor  Cihan Kaçar  ev heyvanlarının inkişafı, doğuş və doğuş xəstəlikləri, hormonal nəzarət, fizioloji və pataloji faktorlar, süni mayalanma, heyvanlarda boğazlığın təyini, USM müayinəsi, cinsi artım,  it və pişiklərdə qısırlama və s. mövzularda tələbələrə keçdiyi nəzəri və praktiki dərslərdə baytarlıq elminin son nailiyyətləri barədə ətraflı məlumat verib, onları maraqlandıran sualları cavablayıb.

Həmçinin, Baytarlıq təbabəti ixtisası üçün poliklinika və ferma yaradılması istiqamətində təqdim edilmiş layihələr nəzərdən keçirilib, magistrant tələbələrə və fənn müəllimlərinə  tövsiyə və məsləhətlər verilib.