Bakı Dövlət Universiteti 27 Mart - Azərbaycan Respublikasında “Elm günü”nə həsr olunmuş BDU-nun tələbələri (bakalavr və magistrantlar) arasında “Ən yaxşı layihə” nominasiyası üzrə müsabiqə elan edir.
Bakı Dövlət Universitetinin (BDU) Tələbə Elmi-Texniki Yaradıcılıq Mərkəzi və Tələbə Həmkarlar İttifaqı Komitəsinin birgə təşkilatçılığı ilə 27 Mart - Azərbaycan Respublikasında “Elm günü”nə həsr olunmuş BDU-nun tələbələri (bakalavr və magistrantlar) arasında “Ən yaxşı layihə” nominasiyası üzrə müsabiqə keçiriləcək.
Mütəmadi olaraq keçirilməsi nəzərdə tutulan müsabiqənin məqsədi təhsil, elmi-tədqiqat və innovasiya fəaliyyəti kimi bacarıqlara malik istedadlı tələbələri seçmək, onlarda innovativ sahibkarlıq fəaliyyətini həyata keçirə bilmək bacarıqlarını təşviq və inkişaf etdirmək, fərqlənən BDU tələbələrini mükafatlandırmaqdır.
Müsabiqə qaliblərinin mükafatlandırılması:
Müsabiqə üzrə qaliblər diplom və pul mükafatları ilə təltif ediləcəklər:
1-ci yer: Bir layihə – 1500 manat.
2-ci yer: Bir layihə – 1000 manat.
3-cü yer: Bir layihə – 500 manat.
BDU-nun tələbələri (bakalavr və magistrantlar) müsabiqədə fərdi və ya komanda (3 nəfərdən ibarət) şəklində iştirak edə bilərlər.
Diqqət! Təklif olunan layihə müsabiqənin aşağıdakı 5 kateqoriyasından ən azı birinə aid və layihənin elmi ideyası yeni olmalıdır.
Müsabiqənin kateqoriyaları:
Qeyd edilən şərtlər daxilində hazırlanmış layihələr 2022-ci il 30 mart tarixinə qədər [email protected] elektron ünvanına göndərilməlidir.
Layihələr münsiflər heyəti tərəfindən qiymətləndiriləcək.
Qalib layihələr üzrə ideyaların reallaşdırılması üçün şərait yaradılacaq.
Müsabiqədə iştirak etmək üçün müraciət, komandaların və layihələrin tərtib edilmə qaydaları:
Diqqət! Bütün Formalar 12 ölçülü Calibri şrifti ilə, 1 intervalla doldurulmalıdır
