Xəzər Universitetinin əməkdaşları Türkiyənin İstanbul şəhərində hibrid formatda təşkil olunmuş 7-ci Avrasiya Ali Təhsil Sammiti – EURIE 2022-də iştirak ediblər.
Universitetdən bildirilib ki, sərginin iştirakçısı qismində Xəzər Universitetini Beynəlxalq əlaqələr ofisinin koordinatoru Fatimə Vəliyeva və Keyfiyyətin Təminatı Mərkəzinin assistenti Kəmalə Mustafayeva təmsil ediblər.
EURIE Sammitində 39 ölkədən 160-dan çox məruzəçi iştirak edib. Tədbirin açılış mərasimi EURAS & EURIE prezidenti, professor Mustafa Aydının İstanbulda çıxışı ilə başlayıb. EURIE İstanbul Proqramının 2-ci gününün tədbirinə Mərmərə Universiteti ev sahibliyi edib. Proqramın yekunu Yeditepe Universiteti tərəfindən təşkil olunub.
Tədbir iştirakçıları müxtəlif növ kampus turlarında, dəyirmi masa müzakirələrində və onlayn sessiyalarda da iştirak ediblər.