Yaz semestri üzrə təhsil tələbə krediti alanların sayı açıqlanıb.
Təhsil Nazirliyindən APA-nın sorğusuna cavab olaraq bildirilib ki, yaz semestri üzrə bu günə qədər 2190 tələbə kredit üçün müraciət edib.
"Standart təhsil tələbə krediti alanların sayı 104, sosial təhsil tələbə krediti alanların sayı isə 38 nəfərdir. Göndərilən müraciətlərdən 785-i natamam olub, 74 müraciətə imtina cavabı verilib, 652-si banka göndərilib, 537-si isə emal prosesindədir" - deyə qeyd olunub.
