Bu gün Bakı Dövlət Universitetində (BDU) Novruz bayramı münasibəti ilə ağacəkmə aksiyası keçirilib.

Tehsil.biz xəbər verir ki, aksiyada Universitet rəhbərliyi, fakültə və struktur əməkdaşları, tələbələr iştirak ediblər.

BDU-nun “Tələbə evi”nin həyətində Ekologiya və Təbii Sərvətlər Nazirliyindən alınmış 500-dək müxtəlif cinsli ağac əkilib.

Aksiyanın məqsədi ətraf mühitin qorunmasına, ekoloji tarazlığın bərpasına kömək etmək, ekoloji tərbiyəni gücləndirmək və təbiətə töhfə verməkdir.