Gəncə Dövlət Universitetində “Aprel döyüşləri: Böyük zəfərin başlanğıcı” mövzusunda tədbir keçirilib.

Tehsil.biz xəbər verir ki, tədbiri universitetin Humanitar məsələlər üzrə prorektoru Gülsüm Fətəliyeva açdıqdan sonra torpaqlarımızın azad olunmasında şücaət göstərərək şəhid olmuş oğul və qızlarımızın xatirəsi bir dəqiqəlik sükutla yad edilmiş, Azərbaycanın Dövlət Himni səsləndirilib.

Sonra universitetin Biologiya-kimya fakültəsinin dekanı, dosent İsfəndiyar Alverdiyev “Böyük qayıdışın başlanğıcı”, Azərbaycan tarixi kafedrasının dosenti Cavid Bağırzadə “Aprel döyüşləri-Zəfərə gedən yol”, Biologiya-kimya kafedrasının baş müəllimi Zəhra Əliyeva “Şəhidlər ölməz, Vətən bölünməz” mövzularında məruzələrlə çıxış ediblər. 

Tədbirdə iştirak edən Vətən müharibəsi qazilərinə, eləcə də şəhid övladlarına universitetin xatirə hədiyyələri təqdim olunduqdan sonra, Biologiya-kimya və Filologiya fakültələri tələbələrinin ifasında ədəbi-bədii kompozisiya nümayiş etdirilib.