Bu gündən güclü külək nəticəsində Xırdalan şəhər 9 nömrəli tam orta məktəbin uçan damının təmirinə başlanılıb.
Tehsil.biz xəbər verir ki, bu barədə "Report"un sorğusuna cavab olaraq Abşeron Rayon Təhsil Şöbəsindən bildirilib.
Qeyd olunub ki, təmir-bərpa işləri Təhsil Nazirliyinin Təsərrüfat hesablı Əsaslı Tikinti və Təchizat İdarəsi tərəfindən həyata keçirilir: "Məktəbin şagirdləri isə müvəqqəti olaraq onlayn təhsilə cəlb olunublar".
Qeyd edək ki, hadisə aprel ayının 4-də baş verib.