Dekabrın 27-də Bakı Slavyan Universiteti (BSU) Tələbə Gənclər Təşkilatının (TGT) təşkilatçılığı ilə “Karantin şəraitində motivasiyanın yüksəldilməsi” mövzusunda seminar keçirilib. Seminarı BSU-nun Pedaqogika və psixologiya kafedrasının baş müəllimi Aygün Əliyeva aparıb. A. Əliyeva hazırda ölkəmizdə, eləcə də bütün dünya ölkələrində pandemiya ilə bağlı yaranan psixoloji vəziyyət və motivasiya haqqında tələbələrə seminar keçib.
Sonra tələbələrin fikirləri dinlənilib, mövzu ilə bağlı müzakirə aparılıb.
Seminarın sonunda tələbələrə TGT-nin sədri, Beynəlxalq münasibətlər, regionşünaslıq və jurnalistika fakültəsinin IV tədris ili tələbəsi Cəfər Adilov tərəfindən sertifikat təqdim olunub.
Seminar tələbə-gənclər tərəfindən böyük maraqla qarşılanıb.
