16 aprel 2022-ci il tarixində “Arlekin” adlı səyyar sirk ilk dəfə olaraq Sabirabad Rayon Mədəniyyət Mərkəzində balacaların qonağı olub. 

Tehsil.biz xəbər verir ki, sirkin nümayişlərini izləməyə şəhid və qazi övladları da dəvət edilib. 

Sirkdə şən klounlar, kəndirbaz, illuziyaçı və akrobatlar müxtəlif nömrələrlə çıxış edib, həmçinin veloşou nümayiş etdirilib. 15-ə yaxın biri-birindən maraqlı, orijinal çıxışlar və nömrələr balacalarda xoş təəssürat yaradıb, onlara unudulmaz anlar yaşadıb.

Qeyd edək ki, sirkin nümayişlərində 2500 nəfərə yaxın tamaşaçı iştirak edib.