"Dövlət proqramı ilə xaricdə təhsil alanların 25 faizini İKT sahəsi üzrə ixtisaslar təşkil edəcək”.

Tehsil.biz xəbər verir ki, bunu təhsil naziri Emin Əmrullayev Azərbaycan Kibertəhlükəsizlik Təşkilatları Assosiasiyasının təqdimat mərasimində deyib.

O bildirib ki, son illər İKT ixtisaslarına bakalavr səviyyəsinə qəbul bir neçə dəfə artıb:

“Müəllimlik ixtisası son illər İKT bacarıqlarını özündə ehtiva edir. Biz işimizi 3 böyük istiqamətə bölürük. İlk növbədə hər bir vətəndaşın bacarmalı olduğu rəqəmsal bacarıqlara yiyələnməlidir. Rəqəmsal bacarıqlar layihəsi 6 ildir, tətbiq edilir və 200 minə yaxın şagirdi əhatə edir".

Nazir qeyd edib ki, ötən il və bu il məktəblərə verilən kompüterlərin sayına görə 6 uşağa 1 kompüter sayına gəlib çatacağıq:

"Bu da inkişaf etmiş ölkələrin səviyyəsi ilə eynidir. Digər layihə STEAM layihəsidir. 300-dən artıq məktəbdə bu layihə təşkil edilir. Üçüncü istiqamət isə istedadlı şəxslərin tapılması və onlarla işin qurulmasıdır. Dövlət proqramı ilə xaricdə təhsil alanların 25 faizini İKT sahəsi təşkil edəcək”.