Lənkəran-Astara Regional Təhsil İdarəsinə yeni müdir təyin olunub.

Tehsil.biz xəbər verir ki, bu barədə Təhsil İnstitutunun direktoru Rüfət Əzizov məlumat yayıb.

O, bu vəzifəyə Təhsil İnstitutunun metodik dəstək mərkəzinin şöbə müdiri Elxan Nəcəfovun təyin edildiyini qeyd edib.

Bundan başqa, Gəncə-Daşkəsən Regional Təhsil İdarəsinə də müdir təyinatı olub.

Bununla bağlı təhsil naziri Emin Əmrullayev əmr imzalayıb.

Əmrə əsasən, sözügedən vəzifəyə Anar Qədiməliyev təyinat alıb.

Qeyd edək ki, Regional Gəncə Təhsil idarəsinə Gəncə, Naftalan şəhərləri, o cümlədən Goranboy, Samux, Daşkəsən, Göygöl təhsil şöbələri tabedir.