Qazax-Tovuz Regional Təhsil İdarəsinin müdiri ictimaiyyətə təqdim edilib.

Bununla bağlı Şəmkir şəhər Fərman Salmanov adına tam orta məktəbin akt zalında tədbir keçirilib.

"Report"un Qərb bürosunun məlumatına görə, Qazax-Tovuz Regional Təhsil İdarəsinin müdiri Aslan Hacıyevi təhsil nazirinin müavini Muxtar Məmmədov bölgə ictimaiyyətinə təqdim edib.

Mərasimdə Şəmkir Rayon İcra Hakimiyyətinin başçısı, Regionun təhsil şöbələrinin əməkdaşları və digər rəsmi şəxslər iştirak ediblər.