Bakının Xətai rayonunda 2005-ci il təvəllüdlü Xumar Babayevanın intihar etməsi ilə bağlı yeni məlumatlar üzə çıxıb.

"Tehsil.biz"in əldə etdiyi məlumata görə, o, ailə problemi nəticəsində özünü öldürüb.

X.Babayeva intihar etməzdən bir qədər əvvəl hadisə baş verən binanın təmizlik işçiləri tərəfindən görülüb. 

Təmizlikçilər Xumarı fikrindən daşındırmaq istəsələr də, o, evdə ciddi ailə problemi yaşandığını, intihar etməkdən başqa çarəsinin olmadığını bildirib.

X.Babayeva hadisə günü hazırlıq dərslərinə getməli imiş. Lakin müəlliminə həmin gün hazırlığa gedə bilməyəcəyini, özünü pis hiss etdiyini deyib.

Daha sonra olay baş verən binaya daxil olan 17 yaşlı Xumar binanın 7-ci mərtəbəsindən özünü ataraq həyatına son qoyub.

Qeyd edək ki, X.Babayevanın paytaxtın Xətai rayonunda yerləşən 245 nömrəli məktəbinin 11-ci sinfində oxuduğu, bilik səviyyəsinin və imtahan nəticələrinin yaxşı olduğu bildirilir.

Allah rəhmət eləsin.