Fuad Poladov haqqında kitab nəşr olunacaq. Kino-tənqidçi Aygün Aslanlının müəllifi olduğu kitab yaxın zamanda çap ediləcək.
Tehsil.biz xəbər verir ki, bu haqda Parlaq İmzalar Nəşriyyatının direktoru Nurman Tariq sosial şəbəkə hesabından məlumat verib.
"Tezliklə o sevimli sənətkar haqqında ailəsinin də istəyi ilə Aygun Aslanlinın hazırladığı “Skafandrlı adam” kitabını nəşr edəcəyik. Bu kitab Fuad Poladovun sirli və gözəl dünyasına yaxınlaşmaq üçün önəmli bir materialdır. Çoxdandır gözlənilən bir kitabdır… Kitabın nəşri üçün Parlaq İmzalar Nəşriyyatını seçdiyi üçün Poladov ailəsinə təşəkkür edirəm! Bizim üçün fəxrdir! Ruhu şad olsun!", - Nurman Tariq bildirib.
