Logo

"Məktəb liderliyi" proqramına müraciətlərin qəbulu yekunlaşıb

14.05.2022 17:28 131 baxış
IMG

"Məktəb liderliyi" proqramına elektron sənəd qəbulu mərhələsi üzrə ümumilikdə 1006 müraciət (747 nəfər qadın və 260 nəfər kişi) daxil olub.

Tehsil.biz xəbər verir ki, müraciət edən namizədlərdən 37 nəfəri direktor, 288 nəfəri direktor müavini, 614 nəfəri müəllim, 66 nəfəri isə digər vəzifələrdə çalışır.

Müraciətçilərdən 843 nəfər sənədləri qaydasında olan ərizəçilər kimi qeydə alınıb. Həmin müraciətçilərdən 354 nəfəri Bakı, 27 nəfəri Sumqayıt, 30 nəfəri Abşeron, 302 nəfər isə digər şəhər və rayonlardandır.

Proqram çərçivəsində təlimlər ilk olaraq Bakı, Sumqayıt şəhərləri və Abşeron rayonu üzrə təşkil olunacaq 

Digər şəhər və rayonlardan olan növbəti mərhələyə keçən namizədlər üçün qiymətləndirmələrin keçiriləcəyi yer və tarix yaxın zamanda elan olunacaq.

Əlavə sualınız olarsa, [email protected] ünvanına yaza bilərsiniz. 

Qeyd edək ki, proqram Təhsil Nazirliyi və Azərbaycan Dövlət Pedaqoji Universitetinin Strateji inkişaf mərkəzi ilə birgə həyata keçirilir. 

Xəbər lenti