12-16 may 2022-ci il tarixlərində Türkiyənin Trabzon şəhərində boks idman növü üzrə 2006-2007, 2008-2009-cu il təvəllüdlü yeniyetmə oğlanlar arasında beynəlxalq turnir keçirilib.
Tehsil.biz xəbər verir ki, turnirdə Azərbaycan, Türkiyə və Gürcüstan komandalarından ibarət 82 nəfər idmançı mübarizə aparıb.
Yarışda iştirak edən “Təhsil” Respublika İdman Mərkəzinin Sumqayıt şəhər 1 nömrəli ixtisaslaşdırılmış olimpiya ehtiyatları uşaq-gənclər idman-şahmat məktəbinin idmançıları 8 qızıl, 2 gümüş, və 1 bürünc olmaqla, ümumilikdə 11 medal qazanıb.
