Logo

Android smartfonları üçün ağıllı divar kağızlarının yeni versiyası təqdim edilib

18.05.2022 23:41 115 baxış
IMG

XDA-Developers-a görə, OnePlus WellPaper smartfonları üçün ağıllı divar kağızı proqramını yeniləyib.

Tehsil.biz "Gazeta.ru"ya istinadən xəbər verir ki, WellPaper proqramı istifadəçilərə canlı divar kağızı kimi ekran vaxtını və smartfondan istifadəni izləməyə imkan verməsi ilə unikal idi.

Smartfondan istifadə statistikasını göstərməyin üç yeni üsulu ilə yanaşı, yenilənmiş proqram üçüncü tərəf proqramlarından istifadə məlumatlarını göstərməyə imkan verir. İstifadəçilər yüklənmiş proqrama altı müxtəlif kateqoriyadan birini təyin edə biləcəklər.

Həmçinin əgər istifadəçi konkret proqramdan istifadəyə dair statistika saxlamaq istəmirsə, onu İzləmə kateqoriyasına aid etmək təklif olunur. Qeyd olunur ki, bütün statistikalar lokallaşdırılıb və yalnız istifadəçinin smartfonunda saxlanılır.

Bununla belə, "Google Play"də hansı proqramların kateqoriyalara aid edildiyini anlamaq üçün proqrama internet bağlantısı lazımdır.

İstifadəçi bəyəndiyi divar kağızı seçdikdən sonra əsas ekranda boş sahəyə toxunaraq altı kateqoriya üzrə cihazın ekran vaxtının istifadəsi haqqında məlumat əldə edəcək.

Bundan əvvəl Gazeta.Ru bildirmişdi ki, OnePlus şirkəti 12,4 düymlük OLED ekranlı flaqman planşetinin təqdimatına hazırlaşır.

Xəbər lenti