Bakı Ali Neft Məktəbinin (BANM) Proseslərin avtomatlaşdırılması mühəndisliyi kafedrasının müdiri, dosent Nailə Allahverdiyeva İstanbul şəhərində keçirilən 8-ci “CoDIT22” (İnternational Conference on Control, Decision and İnformation Technologies) beynəlxalq konfransında uğurla çıxış edib.

Tehsil.biz xəbər verir ki, onun ingilis dilində yazdığı "Neyroşəbəkələrdən istifadə edərək seysmik məlumatların əvvəlcədən işlənilməsi” (“Preprocessing of Seismic Data using Neural Networks”) elmi məqaləsi konfransa qəbul olunub və yüksək səviyyədə qarşılanıb.

BANM-in kafedra müdirinin konfransa təqdim etdiyi məqalə yüksək reytinqə malik “IEEE Explore” jurnalında çap olunacaq.

Konfrans IFAC və IEEE cəmiyyətlərinin sponsorluğu ilə keçirilir.