Bakı Dövlət Universitetində (BDU) könüllülük hərəkatının yaradılmasının 3-cü ildönümü açıq havada konsert proqramı ilə qeyd olunub.

Tehsil.biz xəbər verir ki, universitetin futbol meydançasında keçirilən konsert proqramında “BDU könüllüləri” qrupunun üzvləri - Rəvan İmaməliyev, Aygün Məmmədova, Əli Heydərov, Məhluqə Məsimova, Leyla Allahverdiyeva, Selcan İbrahimova, Səbinə İbrahimxəlilova, Əziz Əzizov, İslam Məmmədov, Səbinə Həşimli, Milana İdrisova, Hüseyn Mustafayev, Günel Hətəmova, Lumu İspəndiyarzadə, Aidə Qurbanova, Aynurə Abbaszadə və Əli Heydərov müxtəlif musiqilər ifa ediblər. Həmçinin konsertin qonağı, gənc  ifaçı Babək Rzayev də bir neçə musiqi səsləndirərək, tələbələrə xoş anlar yaşadıb.

Tədbirin sonunda “BDU könüllüləri” qrupunun sədri Nərmin Heydərova konsertin  hazırlanmasında əməyi olan hər kəsə və iştirak edənlərə öz minnətdarlığını bildirib.

Tədbir BDU tələbələrinin “Yallı” rəqsi ilə başa çatıb.

Qeyd edək ki, “BDU könüllüləri” qrupu  2019-cu ildə yaranıb. Təşkilat ölkəmizdə uğurla həyata keçirilən könüllülük hərəkatının Universitetdə təşviq olunması istiqamətində müxtəlif tədbir və layihələr həyata keçirir. Ətrafında 700 nəfərdən çox tələbəni birləşdirən təşkilat Universitetin ictimai-sosial həyatında fəal rol oynayır.