ARTİ müəllimlərin işə qəbulu müsabiqəsinə və sertifikasiya imtahanına hazırlaşan namizədlərə dəstək məqsədilə təşkil edilən seminarları davam etdirir.

Budəfəki seminar riyaziyyat fənnindən imtahana hazırlaşan şəxslər üçün nəzərdə tutulub. 

07 iyun 2022-ci il tarixində saat 15:00-da əyani şəkildə təşkil ediləcək seminarda iştirak etmək istəyən şəxslər aşağıdakı linkə daxil olmaqla qeydiyyatdan keçə bilərlər:

https://forms.gle/Mv1rJJPJbqyhn99n7

Müraciət üçün son tarix: 06 iyun 2022-ci il

Seminar 240 nömrəli tam orta məktəbdə keçiriləcək və 2 saat davam edəcək. 

Ünvan: Bakı şəhəri, Nəsimi rayonu, M.Cəlal küçəsi, 26.

Qeyd edək ki, seminarların mütəmadi şəkildə keçirilməsi planlaşdırılır. Hər seminar bir fənn üzrə çərçivə sənədinin izahına həsr olunacaq, əvvəlki illərdə imtahanlarda istifadə olunan sual nümunələri müzakirə olunacaq, eyni zamanda gələcəkdə çərçivə sənədinin təkmilləşdirilməsinə dair verilən təkliflər dəyərləndiriləcək.