Azərbaycan Texnologiya Universitetində yaz semestrinin imtahan sessiyasına başlanılıb.
Tehsil.biz xəbər verir ki, 1 iyun tarixindən start götürən imtahanlar yazılı, test və şifahi formada keçirilir. 2 iyul tarixinədək davam edəcək imtahanlarda əyani təhsil alan 9138 tələbə (bakalavr) iştirak edəcək. Yay imtahanlarına qatılan magistrların sayı isə 1083 nəfərdir.
14 iyun tarixindən isə qiyabi təhsil alan tələbələrin imtahanları başlayacaq. 2716 qiyabiçi tələbənin qatılacağı proses 29 iyunadək davam edəcək.
Təhsil nazirinin müvafiq əmrinin tələbləri çərçivəsində təşkil olunan sessiya ərzində İmtahan Qərargahı və Apellyasiya Komissiyası fəaliyyət göstərir.
