Logo

“Universiteti bitirdikdən sonra iş təkliflərinin sizi tapmağını istəyirsinizsə, BMU-İNHA İDP-ni seçin”

23.06.2022 12:10 104 baxış
IMG

“Universiteti bitirdikdən sonra sizin iş arxasınca qaçmağınızı deyil, iş təkliflərinin sizi tapmağını istəyirsinizsə, BMU-İNHA İkili Diplom Proqramını seçin”. Bu fikri 2020/2021-ci tədris ili qəbulu üzrə BMU-İNHA İkili Diplom Proqramının (İDP) “Elektronika mühəndisliyi” ixtisasının II kurs tələbəsi Sübahan Abdullayev bildirib.

Tehsil.biz xəbər verir ki, Bakı Mühəndislik Universiteti (BMU) və Cənubi Koreyanın İNHA Universitetinin birgə icra etdiyi İDP ilə bağlı təəssüratlarını dilə gətirən tələbə hələ abituriyent olduğu vaxtdan sözügedən proqramla maraqlandığını və internetdə axtarışlara başladığını deyib. Bununla əlaqədar rast gəldiyi məlumatları analiz edən S. Abdullayev tələbələrə bir çox üstünlüklər verən layihədə iştirak etmək üçün şansını dəyərləndirmək qərarına gəlib və seçimindən olduqca razı qalıb.

Belə ki, 3+1 modeli əsasında qurulan ikili diplom proqramına əsasən, tələbələr 3 akademik ili BMU-da, 1 akademik ili - sonuncu kursu isə Cənubi Koreyanın İNHA Universitetində təhsil alacaqlar. Nəhayət, 4 ilin sonunda tələbələr iki diplom əldə edəcəklər. “Tələbələr bu şansların heç birini digər universitetlərdə qazana bilməzlər. Çünki buna yüksək vəsait və uzun zaman tələb oluna bilər”- deyə o bildirib.

Məlumat üçün bildirək ki, proqramla bağlı daha geniş informasiyanı https://beu.edu.az/az/page/ikili-diplom-proqrami-185/ linkinə daxil olaraq əldə etmək mümkündür.

Xəbər lenti