Tehsil.biz xəbər verir ki, Abituriyentlər Bakıda fəaliyyət göstərən aşağıdakı Yaradıcılıq Qabiliyyətinin Yoxlanılması Komissiyaları üzrə "İmtahana buraxılış vərəqələri"ni çap edə bilərlər. Digər komissiyalar üzrə buraxılış vərəqələrinin verilməsi haqqında məlumat veriləcək.
|
Komissiya |
Komissiya kodu |
|
Təsviri sənət (ADRA nəzdində İncəsənət Kolleci) |
210 |
|
Təsviri sənət (Bakı-digər müəssisələr) |
211 |
|
Heykəltəraşlıq |
212 |
|
Fiziki tərbiyə müəllimliyi |
152, 452, 552, 652, 752, 852, 952 |
İmtahana gələn abituriyentlər aşağıdakı sənədləri gətirməlidirlər:
- imtahana buraxılış vərəqəsini;
- şəxsiyyəti təsdiq edən sənədin əslini:
- bədən tərbiyəsi və idman istiqaməti üzrə imtahan verənlər sağlamlıq haqqında arayışı (086U formalı tibbi arayış);
a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;
b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini;
- Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir).
Gecikən abituriyentlər qabiliyyət imtahanına buraxılmayacaqlar.
