Dövlət qulluğunda inzibati rəhbər (A növü) və inzibati icraçı (B növü) vəzifələr üzrə müsabiqənin test imtahanında iştirak etmək üçün qeydiyyat elan edilib.

Dövlət İmtahan Mərkəzi tərəfindən 19 fevral 2021-ci il tarixində inzibati dövlət qulluğu vəzifələrinin A və B növünə aid olan AA, AB, AC (rəhbər vəzifələr) və BA, BB qruplarına uyğun olan vəzifələr üzrə test imtahanları keçiriləcək.

A növünə aid olan imtahan kompüter, B növünə aid olan imtahan isə kağız daşıyıcılar vasitəsilə aparılacaq.

A növünə aid olan imtahanda iştirak etmək üçün qeydiyyat 18 fevral saat 14:00-dək aparılacaq. Bu imtahan DİM-in Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək. İmtahanda iştirak üçün 125 yer ayrılıb.

B növünə aid olan imtahanda iştirak etmək üçün qeydiyyat 9 fevral saat 14:00-dək aparılacaq. İmtahanda iştirak üçün 500 yer ayrılıb. İmtahanının başlanma saatı və yeri barədə məlumat  imtahandan 5 gün əvvəl Mərkəzin saytına yerləşdiriləcək "İmtahana buraxılış vərəqəsi"ndə qeyd olunacaq.

Qeydiyyatdan keçmək və ətraflı məlumat almaq üçün http://dim.gov.az/news/6145/ linkinə daxil ola bilərsiniz.