Valideynlər üçün böhran zamanı uşaqlara psixososial dəstək göstərilməsi ilə bağlı videotəlimat hazırlanıb.
Videotəlimat Təhsil Nazirliyi və BMT-nin Uşaq Fondu (YUNİSEF) arasında “2016-2020-ci illər üçün Azərbaycan Hökuməti-YUNİSEF Əməkdaşlıq Proqramı” çərçivəsində imzalanmış “2019-2020-ci illər üçün Təhsil proqramı üzrə Dövri Fəaliyyət Planı”na müvafiq olaraq “Azərbaycan Respublikasının təhsil sistemində elektron təhsil təcrübəsinin təşviqi” layihəsi çərçivəsində hazırlanıb.
Videotəlimatda böhran vəziyyəti, böhranın müxtəlif yaş qruplarındakı (məsələn, məktəbəqədər yaşlı uşaqlar, yeniyetmələr) uşaqlara, onların emosiyalarına mənfi təsirləri, uşaqların stressə reaksiyası və onların böhran zamanı ən çox keçirdiyi hisslər kimi məsələlər izah edilib, eləcə də valideynlər üçün uşaqlara psixososial dəstəklə bağlı tövsiyələr təqdim edilib.
